藍妹啤酒（英文：Blue Girl Beer）係由香港捷成洋行出品嘅啤酒。家陣嘅藍妹喺南韓造。

藍妹啤酒源自19世紀嘅德國不萊梅，早喺1896年已經用「火炬女」做啤酒商標，並出口到中國青島[1]。

1906年，捷成洋行向當時藍妹啤酒香港代理元興洋行（Lauts, Wegener & Co.）收購商標同代理權。去到1930年代，捷成洋行見到香港市面普遍用「藍妹」稱呼呢款啤酒，決定用「藍妹啤酒」做官方名，喺香港嘅百貨公司，例如先施同永安百貨度賣[2]。

1988年，捷成洋行考慮到運輸成本上升，決定生產線由德國搬到韓國，交畀東洋麥酒株式會社（韓文：OB 맥주）沿用原有德國配方釀造[3]。

2018年12月，捷成飲料同百威亞太宣佈成立合資公司，喺中國大陸賣藍妹啤酒[4]。跟住2019年5月，百威亞太收購咗捷成飲料（中國）65% 嘅股份，正式營運藍妹啤酒喺中國大陸業務[5]。

藍妹啤酒商標（德文：Schutz-Marke）啟發自希臘神話，掌管卓越嘅女神 — 阿睿提（中文：阿睿提）（Arete）。標誌代表藍妹啤酒追求完美品質之餘，亦象徵住精益求精嘅精神[6]。

1970年代，藍妹啤酒推出一系列電視宣傳廣告。以德國靚女同飲家享用藍妹啤酒，參與體育賽事同派對做主題[6]。

1990年代初，藍妹啤酒電視廣告以「睇得通，睇得透」為口號，宣傳佢用緊嘅透明玻璃樽。90年代中首次以英美搖滾組合Foreigner（英文：Foreigner_(band)）的歌曲《Waiting for a Girl Like You（英文：Waiting for a Girl Like You）》作為宣傳手法，呈現飲家同藍妹啤酒嘅情感連繫。2001年更請歐美演員，喺天池拍攝新一輯電視廣告[6]。

1999年起，藍妹啤酒成為長洲太平清醮贊助商。當中佢嘅商標會黐喺飄色巡遊嘅色櫃上作宣傳[7]。

香港、台灣同中國大陸有得買。

由麥芽、啤酒花、水、依士同粟米釀成。